Welcome, Guest

मन्त्रीहरुको दोहोरो सुविधा कटौती

2075-10-03 / Source: prasashan.com  /  1.2K 0

काठमाडौँ । सरकारले मन्त्रीहरुले लिँदै आएको दोहोेरो सुविधा कटौती गरेको छ ।
 
गत शनिबार बसेको मन्त्रिपरिषद् बैठकले मन्त्रीहरुले प्रधानमन्त्री कार्यालयबाट पाउँदै आएको तलव सुविधा सम्बन्धित मन्त्रालयबाटै लिने व्यवस्था पारित गरेसँगै दोहोरो सुविधामा ब्रेक लागेको हो ।
 
प्रधानमन्त्री कार्यालयबाट तलव भत्तालगायतका सुविधा दिँदा मन्त्रीहरुले दोहोरो सुविधा लिई राज्यकोषमा थप व्ययभार परेपछि मन्त्रीहरुलाई सम्बन्धित मन्त्रालयबाटै लिने व्यवस्था गरिएको उच्च स्रोतले प्रशासनलाई बतायो ।
 
उक्त व्यवस्था लागू भएसँगै अब मन्त्रीको तलव सुविधावाफत प्रधानमन्त्री कार्यालयमा आएको रकम सम्बन्धित मन्त्रालयमा नै पठाइने छ भने यसपछि अर्थले सिधै मन्त्रालयमा रकम पठाउने व्यवस्था गरिने ति अधिकारीले बताए ।
 
मन्त्रीहरुले प्रधानमन्त्री कार्यालयबाट बुझ्ने पेट्रोल र मोबिलवाफतको रकम खल्तिमा हालेर सम्बन्धित मन्त्रालयबाटै तेल, मोबिललगायत अन्य खर्च गरेर दोहोरो सुविधा लिएको गुनासो प्रधानमन्त्री समक्ष पुगेपछि मन्त्रीको सेवा सुविधाबारे पुनर्बिचार गरिएको हो ।
 
हाल मन्त्रीहरुले प्रधानमन्त्री कार्यालयबाट २०७ लिटर पेट्रोल र २० लिटर मोबिल बराबरको नगल बुझ्दै आएका थिए । नयाँ नियमअनुशार मन्त्रीहरुले नियुक्त गरेका पदाधिकारीहरुले पाउने मनपरी इन्धन खर्चमा समेट कटौति भएको छ । अव निश्चित कोटाअनुशार मात्रै सम्बन्धित मन्त्रालयबाट पाउने छन् ।
 
हाल मन्त्रीले गृह मन्त्रालयबाट पाउने गाडी पनि सम्बन्धित मन्त्रालयलाई नै हेण्डओभर गर्ने भएको छ । र, त्यसको संचालन, मर्मत लगायत सम्पूर्ण खर्च सोही मन्त्रालयले नै गर्ने गरी तयारी गरको स्रोतले बतायो ।
 
त्यसैगरी मन्त्रीका स्वकीय सचिवालयका सबै कर्मचारीहको तलव भत्तालगायत खर्च बैंकमार्फत सम्बन्धित व्यक्तिको खातामा पठाइने व्यवस्था गरिएको छ । हाल मन्त्रीले अख्तियारी दिएको व्यक्तिको खातामा पठाउदै आएको कर्मचारीको तलव अब सम्बन्धित व्यक्तिको खातामा नै जम्मा गरिने भएपछि रकम हिनामिना तथा दुरुपयोग हुने सम्भावना न्यून रहने प्रधानमन्त्री कार्यालयको बुझाई छ ।
 
त्यस्तै उनीहरुले पाउँदै आएको इन्धनमा समेत कोटा तोकिएको छ ।

You need to login to comment.

Facebook Comments

Read More News