Welcome, Guest

नेपालका ६२ कर्मचारीलाई भारतले तालिम दिने

2075-10-03 / Source: rajdhanidaily.com  /  1.1K 0

काठमाडौं।  भारत सरकारको ‘भारतीय प्राविधिक तथा आर्थिक सहकार्य कार्यक्रम’अन्तर्गत नेपाल सरकार अर्थ मन्त्रालयका ६२ जना कर्मचारीलाई ग्लोबल परिप्रेक्ष्यमा सार्वजनिक वित्तीय व्यवस्थापन विषयमा विशेष तालिम दिने भएको छ ।
 
यसअघि नेपाल सरकार अर्थ मन्त्रालयले भारत सरकारलाई नेपाल–भारत आर्थिक सहकार्य कार्यक्रमअन्तर्गत कर्मचारीलाई उक्त तालिम प्रदान गर्न अनुरोध गरेको थियो । सो कार्यक्रम इन्स्टिच्युट अफ गभर्मेन्ट अकाउन्ट्स एन्ड फाइनान्समा हुनेछ ।
 
यस तालिमले विद्युतीय भुक्तानी प्रणाली, लेखाविधि तथा रकम व्यवस्थापन, सार्वजनिक ऋण प्रणाली, वैदेशिक ऋण÷अनुदान तथा प्रतिदानको लेखाविधि, पेन्सन भुक्तानी प्रणाली, आन्तरिक लेखापरीक्षण, आर्थिक जिम्मेवारी तथा बजेट व्यवस्थापन आदि विषयमा चलिरहेको विश्वव्यापी अभ्यासबारे सहभागीको क्षमता अभिवृद्धि गर्नेछ । यो तालिम तीन ब्याचमा सञ्चालन
 
गरिनेछ । प्रथम ब्याचका ३० देखि एक समूहले सो तालिम लिइरहेको छ । इन्स्टिच्युट अफ गभर्मेन्ट अकाउन्ट्स एन्ड फाइनान्स भारत सरकारको सार्वजनिक अर्थ व्यवस्थापन क्षेत्रको आधुनिक सिकाइ सुविधायुक्त एक प्रमुख तालिम केन्द्र हो । अर्थ क्षेत्रमा आफ्नो छुट्टै पहिचान बनाउन सफल यस संस्था विश्वका अन्य महŒवपूर्ण संस्थासँग आबद्ध छ ।
 
इन्स्टिच्युट भारत सरकारको ‘भारतीय प्राविधिक तथा आर्थिक सहकार्य कार्यक्रम’अन्तर्गत मित्र राष्ट्रहरूका कर्मचारीलाई तालिम प्रदान गर्ने साझेदार संस्था हो । विश्वव्यापी कार्यक्रमका अतिरिक्त इन्स्टिच्युट राष्ट्रहरू अफगानिस्तान, बंगलादेश, भुटान, माल्दिभ्स तथा श्रीलंकाका कर्मचारीलाई पनि विशेष तालिम प्रदान गर्दै आएको दूतावासले जनाएको छ ।

You need to login to comment.

Facebook Comments

Read More News