लोकसेवा तयारी मोबाइलबाटै गर्न तयारी प्लस Subscribe गर्नुहोस
Choose Package
* All prices are exclusive of any taxes.
7 Days (Rs. 50)
30 Days (Rs. 150)
365 Days (Rs. 1050)
काठमाडौं । पूर्वमुख्य सचिव डा. बिमल कोइरालाले उपसचिवलाई पेशागत मूल्य मान्यतामा रहेर काम गर्न आग्रह गरेका छन् ।
‘राजनीतिक तटस्थता भएर काम गर्ने कर्मचारीको भविष्य उज्ज्वल छ,’ चैतन्य इन्सिच्युट अफ म्यानेजमेन्टले आयोजना गरेको नवप्रवेशी उपसचिवको बधाई तथा सम्मान कार्यक्रममा उनले भने, ‘त्यसकारण राजनीतिक प्रभावमा पर्ने होइन, पेशागत दक्षता तथा नैतिक आचरण बनाउन र पेशागत मूल्य मान्यतालाई जोड दिएर काम गर्नुस् ।’
कर्मचारी राजनीतिक रूपले पूर्वाग्रही नभएर पनि काम गर्न सक्ने उनले बताए । ‘म पदमा रहँदा कहिल्यै पनि राजनीतिक दलसँग आबद्ध भएन, न त दलबाट प्रभावित नै भएँ,’ उनले भने । त्यसकारण म नेपालमा रहेका सिनियर अर्गनाइजेसनको सिनियर एडभाइसरका रूपमा काम गरिरहेको छु, किनकि म कुनै पनि राजनीतिक दलको प्रभावबाट मुक्त थिएँ ।
‘उपसचिव राजनीतिक रूपले प्रभावित हुने पद होइन,’ उनले तर्क गरे, ‘यो भन्दा तल्लो तहको कर्मचारी ट्रेड युनियनमा आबद्ध हुन पाउँछ, सहसचिव भन्दा माथिल्लो तहकाले कुनै न कुनै दललाई रिझाउनुपर्ने टे«न्ड छ ।’ त्यसैले जिम्मेवारी तदारुकताका साथ निभाउन सहज हुने उनले बताए । उनले कर्मचारीको काम गर्ने परिपाटीमा समेत परिवर्तन गर्न आवश्यक रहेको औंल्याएका छन् ।
कार्यक्रममा चैतन्यका प्रमुख कार्यकारी अधिकृत गणेशप्रसाद जोशीले तयारी कक्षा लिएकाहरु सत्प्रतिशत सफल हुनु चैतन्यको सफलता भएको बताए । ‘आगामी दिनमा यसलाई थिङ्क ट्याङ्ककै रूपमा विकास गर्दै लैजाने योजनामा छौं,’ उनले योजना सुनाए ।
कार्यक्रमका सहभागी टोपराज पाण्डेयले निजामती सेवामा प्रवेश गर्न चाहनेका लागि चैतन्य राम्रो प्लेटफर्म भएको प्रतिक्रिया दिए । अर्का सहभागी गगन बिकेले सम्मान र बधाई कार्यक्रमले कर्मचारीको मनोबल बढाएको बताए ।